Aya kepit i Ibn Taymiyyah (pinaka-olowan o mga Salafi) na pinakamarata a katharo o Ahlul Bid’ah na so Tafweedh ko Maana. Maana piyamaka-Bid’ah niyan so Manhaj o pinakakilala a Aimmah o Ahlus Sunnah wal Jama’ah maana so Imam Nawawi ago so Ameerul Mu’mineen fil Hadith Al-Hafiz Ibn Hajar Asqalani (rahimahullah).
So Imam Nawawi (rahimahullah) ago so Imam Ibn Hajar Al-Asqalani (rahimahullah) na mga Ahlut Tafweedh ko Ahlus Sunnah wal Jama’ah. Pheta’wil siran pen ko pembethowan o mga Salafi sa ‘Sifaat’. So Imam Ibn Hajar Al-Asqalani (rahimahullah) na tiya’wil iyan pen so Yadullah (lima o Allah) sa Qudrat o Allah ko Fat-hul Baari. Madakel a tiya’wil iyan a bebethowan o Salafi sa Sifat. Na phetaroon ka pen a mga Salafi anan?
Phitaro i Shaykh Muhammad Haadi Al-Madkhali (Mala a Ulama o mga Salafi):
كذاب الذي يقول لك النووي سلفي و الله كذاب حتى يموت كائنا من كان. اشعري جلد
Maana: Tanto a bokhag saden sa tharo a “So Nawawi na Salafi”. Phesapa ako ko Allah ka miyabokhabokhag taman sa matay sekaniyan bapiya antaonon sekaniyan. Solid a Ash’ari (so Nawawi).
Reference: شرح نظم لامية المنسوخ
Aya den a saksi a Mufawwidh ago Muawwil siran na so mga kitab a osayan iran ko Saheeh Bukhari ago Saheeh Muslim. Batiya-an tano so Pakaiza ago Sembag ko pinakamala a Darul Ifta sa Saudi ka tiyanto iran a mga Mufawwidh ago Muawwil so Imam Nawawi ago so Ibn Hajar.
:سئلت اللجنة الدائمة للإفتاء
ما هو موقفنا من العلماء الذين أولوا في الصفات مثل ابن حجر، والنووي، وابن الجوزي وغيرهم هل نعتبرهم من أئمة أهل السنة والجماعة أم ماذا؟ وهل نقول: إنهم أخطأوا في تأويلاتهم، أم كانوا ضالين في ذلك
Maana: “Inizaan a Al-Lajnatud Daimah lil Iftaa sa Saudi Arabia: “Antonaa i tindeg tano ko mga Ulama a Miyana’wil siran sii ko mga Sifat lagid o Ibn Hajar Al-Asqalani, Nawawi, Ibnul Jawzi ago so salakaw kiran. Ba tano siran ipagitong ko mga Ahlus Sunnah wal Jama’ah o antonaonon? Ba tano phetaroon a miyaribat siran ko mga Ta’wil iran? O phetaroon tano a mga dadag siran”
Sembag a Al-Lajnatud Daaimah lil Buhoothil ‘Ilmiyyah wal Ift (Pinakamala a Darul Ifta sa Saudi):
موقفنا من أبي بكر الباقلاني والبيهقي وأبي الفرج بن الجوزي وأبي زكريا النووي وابن حجر وأمثالهم ممن تأول بعض صفات الله تعالى أو فوضوا في أصل معناها
أنهم في نظرنا من كبار علماء المسلمين الذين نفع الله الأمة بعلمهم ، فرحمهم الله رحمة واسعة ، وجزاهم عنا خير الجزاء ، وأنهم من أهل السنة فيما وافقوا فيه الصحابة رضي الله عنهم وأئمة السلف في القرون الثلاثة التي شهد لها النبي صلى الله عليه وسلم بالخير ، وأنهم أخطأوا فيما تأولوه من نصوص الصفات وخالفوا فيه سلف الأمة وأئمة السنة رحمهم الله ، سواء تأولوا الصفات الذاتية ، وصفات الأفعال ، أم بعض ذلك
Maana: “Aya tindeg tano ko Abu Bakr Al-Baqillani, Al-Bayhaqi, Ibnul Al-Jawzi, Nawawi ago Ibn Hajar Al-Asqalani ago so mga lagid iran a PIYANA’WIL IRAN so sabaad ko mga SIFAT O ALLAH ago INI-TAFWEEDH iran so paka-asal a MAANA NIYAN na ped ko mga Kibaar (mala) a Ulama o mga Muslimeen… “
(Oriyan anan miyaribat siran kon sa kiyapana’wil iran ko mga Sifat… Da a labot tano sangkanan a mga comment iran…Aya bo a antap tano na ma-prove tano a mga Mufawidh ago Mu’awwil so Nawawi ago so Ibn Hajar)
INENGKA:
So Miniza ago mismo so Al-Lajnatud Daimah na langon iran tiyanto a Mufawwidh ago Patata’wil sa Sifat so Imam Nawawi ago so Ibn Hajar. Oman nekawn pen na inaloy iran pen a ped o Imam Nawawi (rahimahullah) ago so Imam Ibn Hajar (rahimahullah) so miyasikasikat a Ashairah lagid o Sayfus Sunnah, Imam Abu Bakr Al-Baqillani (rahimahullah) ago so kiyadayuan ago kasasarigan a Muhaddith o Ahlus Sunnah a so Imam Bayhaqi (rahimahullah) ago so Mufassir a miyakadakedakel i Ta’wil sa Qur’an ago Hadith a so Imam Ibn Al-Jawzi Al-Hanbali (rahimahullah). Opama na Salafi pen so Imam Abu Bakr Al-Baqillani, Imam Bayhaqi ago so Imam Ibn Al-Jawzi (rahimahullah)?
INENGKA:
Aya pinakamala a ipendalil o mga Salafi sa Aqeedah na so Hadithul Jaariyah. Gyoto so pakaiza o Nabi (sallallaho alayhi wa sallam) ko oripen a babay sa phitaro iyan a “Anda so Allah” na inisembag o oripen sii ko riwayat o Saheeh Muslim a “Fis Samaa (sii sa poro).
So kadadayuan a Shaykhul Islam, Muhyee Ad-Deen Al-Imam An-Nawawi (rahimahullah) na piyagosay niyan anan ko Al-Minhaaj a osayan ko Saheeh Muslim. Na aya ini-osay niyan san na so osayan o Imam Qadi Iyaadh Al-Maliki (rahimahullah) a ped ko mga Ashairah. Da niyanon osayn so osayan o mga Salafi a so Allah na literal a matatago sa poro.
Phitaro o Imam Nawawi (rahimahullah):
قوله صلى الله عليه وسلم أين الله قالت في السماء قال من أنا قالت أنت رسول الله قال أعتقها فإنها مؤمنة هذا الحديث من أحاديث الصفات وفيها مذهبان تقدم ذكرهما مرات في كتاب الإيمان
أحدهما الإيمان به من غير خوض في معناه مع اعتقاد أن الله تعالى ليس كمثله شيء وتنزيهه عن سمات المخلوقات
والثاني تأويله بما يليق به فمن قال بهذا قال كان المراد امتحانها هل هي موحدة تقر بأن الخالق المدبر الفعال هو الله وحده وهو الذي إذا دعاه الداعي استقبل السماء كما إذا صلى المصلي استقبل الكعبة وليس ذلك لأنه منحصر في السماء كما أنه ليس منحصرا في جهة الكعبة بل ذلك لأن السماء قبلة الداعين كما أن الكعبة قبلة المصلين أو هي من عبدة الأوثان العابدين للأوثان التي بين أيديهم فلما قالت في السماء علم أنها موحدة وليست عابدة للأوثان
INENGKA:
Da den a kitab o Nawawi (rahimahullah) oba niyan tiyanto a so Allah na literal a matatago sa poro a arsh. Aya bo a inaloy o Nawawi (rahimahullah) na so dowa a kepit o Ashairah a:
1. Tafweedh – Kimbalinganen ko Allah ago so Rasul iyan ko thito a maana o Hadith
2. Ta’wil – Mbetadan sa maana a maka-aayun ko mga Sifat o Allah.
Ago bithowan pen anan o Imam Nawawi (rahimahullah) sa Ahaadithus Sifaat a ped a ngaran o Mutashaabihaat.
(Reference: شرح صحيح مسلم (5/ 24))
AQEEDAH O SALAFI KO AL-ISTIWA
Aya kepit iranon na aya maana o Al-istiwa na “literal” a miphaporo so Allah sa poro a Arsh.
So majority kiran na aya kepit iyan na so Allah na mithakna sa poro a arsh. Ba den kagiya siyangka anan i Shaykh Albani ago so mga ped iyan sa phitaro iran a so “Kathakna” na sifat a Manosya.
AQEEDAH O IMAM NAWAWI (RAHIMAHULLAH) KO AL-ISTIWA
Phitaro o Muftil Ummah, Shaykhul Islam, Imaam Nawawi (rahimahullah):
اختلفوا في آيات الصفات وأخبارها هل يخاض فيها بالتأويل أم لا؟ فقال قائلون تتأول على ما يليق بها وهذا أشهر المذهبين للمتكلمين وقال آخرون لا تتأول بل يمسك عن الكلام في معناها ويوكل علمها إلى الله تعالى ويعتقد مع ذلك تنزيه الله تعالى وانتفاء صفات الحوادث عنه، فيقال مثلاً: نؤمن بأن الرحمن على العرش استوى، ولا نعلم حقيقة معنى ذلك والمراد به مع أنا نعتقد أن الله تعالى ليس كمثله شيء، وأنه منزه عن الحلول وسمات الحدوث، وهذه طريقة السلف أو جماهيرهم
Maana:
“Da kapagayuni (o mga Ulama) so mga ayatus sifat ago so mga hadith iyan. Antonaonon Phagosayn mokit sa Ta’wil o Di?
Phitaro o sabaad: Ta’wilen anan sii ko dumadaiton ago gyanan a kepit i mas lumalangkap a kepit ko isa a dowa a okit o mga Mutakallimoon.
Phitaro o sabaad: “a di anan ta’wilen ago di phamagosayn so maana niyan go iphembalingan ko Allah so thito a maana niyan rakes a pharatiyaan so kasosoti o Allah (ta’ala) ago so ka-angiyasa ko Allah ko sifat o mga Makhlooq” .
Phetaroon a piyaratiyaya ami a so Allah sa miyag-istiwa sekaniyan ko ‘arsh go di ami katawan so haqeeqah o maana o kiyapag-istiwa o Allah ago di ami matetendo so pakamomoradan iyanon rakes a paparatiyaan ami a so Allah na di khilagid ko nganin a shay ago soti oba matago (ma-alosod) ko kaaden iyan ago soti sekaniyan ko mga tanda (sifat) o makhloq. Gyanan i okit o mga Salafus Saaleh odi na so majority kiran.”
Source : المجموع شرح المهذب
INENGKA:
Miyailay tano san a so Imam Nawawi (rahimahullah) na inaloy niyan so dowa a kepit o Ashairah:
1. Tafweedh – Ipembalingan ko Allah so titho a maana o Istiwa
2. Ta’wil – Tafsiren so Istiwa sii ko midadait ko Allah ago pagangiyasen so Allah ko sifat o Makhlooq.
3. Da niyan den aloya oba aya maana o Al-istiwa na literal a Al-‘ulow wal Irtifa. Da niyan itongen so kepit o Salafi oba option a kepit o mga Ulama o Ahlus Sunnah.
AQEEDAH O IMAM IBN HAJAR AL-ASQALAANI (RAHIMAHULLAH) KO AL-ISTIWA
Phitaro o Ameerul Mu’mineen fil Hadith Imam Ibn Hajar Al-Asqalani (rahimahullah):
فيه الرد على من زعم أنه على العرش بذاته
(أي حديث إن ربه بينه وبين القبلة)
Maana: Gyangkanan (a Hadith a so Kadenan iyan na sii sa pageletan iyan ago so Qiblah) na sembag anan ko phag-claim a so Dhaat mismo (o Allah) na sisii sa poro a arsh”
Reference: فتح الباري 1/508
Aden a mitharo a kenaba kon anan katharo o Ibn Hajar Al-Asqalani ago aya sembag tano ron:
1. Bapiya pen kenaba niyan katharo na ogaid na ini-dalil iyan ko osayan iyan. Mabager a karina a maka-aayun sekaniyanon. So Ibn Hajar na basta di sekaniyan maka-aayun ko katharo na phesembagen iyan ko Fat-hul Baari.
2. So madakel a Salafi lagid i Shaykh Barrak (Salafi) na tiyanto iran a katharo anan o Imam Ibn Hajar Al-Asqalani (rahimahullah).
Phitaro o Ameerul Mu’mineen fil Hadith Imam Ibn Hajar Al-Asqalani (rahimahullah):
وليس العرش بموضع استقرار الله
Maana: “So Arsh na kenaba darpa di thakna-an o Allah”
Reference: فتح الباري على حديث رقم 3808
Phitaro o Ameerul Mu’mineen fil Hadith Imam Ibn Hajar Al-Asqalani (rahimahullah):
قـــوله استوى على العرش هو من المتشابه الذي يفوض علمه إلى الله تعالى
Maana: “So peman so katharo o Allah a “Istawa alal arsh” na ped anan ko mga Mutashaabeh a iphembalingan ko Allah so ilmo ron…”
(Reference: Fat-hul Baari page 136)
INENGKA:
So Imam Ibn Hajar Al-Asqalani (rahimahullah) a dingka den mailay ko langon o kitab iyan o ba niyan phima-anaan so Istiwa sa literal a kaphaporo.
1. Aya kepit iyan ko Al-istiwa na Tafweedh maana ipembalingan ko Allah so thito a paka-antapan ago ilmo ko maana istiwa.
2. Siyangka iyan oba so Dhaat o Allah na sisii mismo sa poro.
3. Siyangka o Imam Ibn Hajar oba tharoa a Thatakna so Allah ko ‘Arsh.
THANODAN:
Sii ko Mas-alah a Istiwa na aya kepit ron o Imam Nawawi (rahimahullah) ago so Ameerul Mu’mineen fil Hadith, Ibn Hajar (rahimahullah) na so kepit o Ashairah.
1. Tafweedhul Ma’na
2. Ta’wil
Daden a mailay ka a katharo iran a dowa mipantag ko Al-istiwa a makatotoro a maka-aayun siran ko mga Salafi.
GYANAN A ISTIWA I PINAKA-MALA A DEBATE O SALAFI AGO ASHAIRAH. SAN BO NA KIYATOKAWAN A MANHAJ GYANAN A DOWA A IMAM NA MANHAJ O ASHAIRAH.
ANTAONON I AHLUL HAQ?
AYA KEPIT O IMAM NAWAWI (RAHIMAHULLAH) NA AYA AHLUL HAQ NA SO AYA AQEEDAH NIYAN NA KHAILAY SO ALLAH SA ALONGAN A MAORI OGAID NA KENABA KHAILAY SA PORO AGO BAPIYA ANTONAA A DIRECTION.
Phitaro o Imam Nawawi (rahimahullah):
ثم مذهب أهل الحق أن الرؤية قوة يجعلها الله تعالى في خلقه ولا يشترط فيها اتصال الأشعة ولا مقابلة المرئي ولا غير ذلك لكن جرت العادة في رؤية بعضنا بعضا بوجود ذلك على جهة الاتفاق لا على سبيل الاشتراط، وقد قرر أئمتنا المتكلمون ذلك بدلائله الجلية ولا يلزم من رؤية الله تعالى إثبات جهة تعالى عن ذلك بل يراه المؤمنون لا في جهة كما يعلمونه لا في جهة
Maana: “Aya madhab o Ahlul Haq na so kakhailay (ko Allah) na bager a imbegay o Allah ko Kaaden iyan… (kenaba lagid o kalalayaman a di kapamagilaya o mga tao) … Tiyanto anan o mga IMAM AMI a MUTAKALLIMOON ko mga rarayag a dalil. Kenaba kailangan ko kakhailaya ko Allah oba matanto so tampar (direction). Angiyas san so Allah. Aya benar na khailay Sekaniyan o mga Miyamaratiyaya a kenaba matatago sa tampar (direction sa poro ago so salakaw ron) sa lagid sa aden a ilmo iranon (ko kapamakamomoayan o Allah) ogaid na kenaba matatago sa tampar (direction sa poro ago so salakaw ron).”
Reference: شرح صحيح مسلم (3/ 15)
INENGKA:
Gyanan i Madhab o Ahlul Haqq a tig o Imam Nawawi (rahimahullah). Aya bo a kekhepit sa lagidanan na so mga Ashairah. Aya maana niyan na aya Ahlul Haqq ko kepit ron o Imam Nawawi (rahimahullah) na so mga Ashairah. So salakaw ko Ahlul Haqq na Ahlul Baatil. Lagid anan opama na Salafi? Gyoto i sabap a di shasapa si Dr. Rabee’ Al-Madkhali (Salafi) a kadhdhaab (miyabokhabokhag) so tao a phetaroon iyan a Salafi so Imam Nawawi (rahimahullah).
الله اعلم بالصواب