PAGANAY RON:
Aya inaloy niyan ko Tabaqatus Shafi’iyyah na “SAALIFEEN” a plural o “SAALIF” Kenaba SALAFI.
Phitaro o Shaykhul Islam, Imam Tajud Deen As-Subki (Al-Ash’ari):
النَّوَوِيّ الشَّيْخ الإِمَام الْعَلامَة محيي الدّين أَبُو زَكَرِيَّا شيخ الْإِسْلَام أستاذ الْمُتَأَخِّرين وَحجَّة الله على اللاحقين والداعي إِلَى سَبِيل السالفين … ومتابعة السالفين من أهل السّنة وَالْجَمَاعَة…
Maana: “So Nawawi na As-Shaykh, Al-Imam, Al-‘Allamah, Muhyeed Deen (Kiyasabapan sa miyaoyag so Agama), Abu Zakariyyah, Shaykhul Islam, Ustadhul Mutaakhkhireen ago Hujjatun ‘alal Laahiqeen ago Da-‘iy ko okitokit o mga SAALIFEEN… Ago kapangongonotan ko SAALIFEEN a ped ko Ahlus Sunnah wal Jama’ah…”
Reference: طبقات الشافعية الكبرى للسبكي 8/395
Benar a aya oonotan o Imam Nawawi (rahimahullah) na so Salaf ogaid na sii ko sabot ron o Imam Abul Hasan Al-Ash’ari (rahimahullah) ago so Aimmah o Ashairah, kenaba sii ko sabot ron i Ibn Taymiyyah ago so mga Salafi imanto a masa.
IKADOWA:
Piyakatanatana iyan a Ash’ari i Aqeedah so Imam Nawawi (rahimahullah) ko ped a kitab iyan.
Phitaro o Shaykhul Islam, Imam Tajuddeen As-Subki (rahimahullah):
وقد وصل حال بعض المجسمة فى زماننا إلى أن كتب شرح صحيح مسلم للشيخ محيى الدين النووى وحذف من كلام النووى ما تكلم به على أحاديث الصفات فإن النووى أشعرى العقيدة
“Ago sumiyampay so betad o saba-ad ko mga Mujassimah (Mga Piyakapelawas iran so Allah) sa masa mi aya sa inisorat o saba-ad kiran so mga osayan o Imam Nawawi (rahimahullah) ko Saheeh Muslim na pilelebat iranon so mga osayan o Imam Nawawi (rahimahullah) mipantag ko mga Ahaadithus Sifat. Sabenar a so Imam Nawawi (rahimahullah) na Ash’ari i Aqeedah”.
Reference: قاعدة في الجرح والتعديل ص ٤٨
IKATELO:
So Imam Tajud Deen As-Subki (rahimahullah) na isa ko pinaka-solid a Ashairah sa donya. Katawan anan o langon o Ulama sa Aqeedah. Aya inigrar rekaniyan o Imam Dhahabi (rahimahullah) na “Shaykhul Islam”. Aya kepit o Imam Tajud Deen As-Subki (rahimahullah) na aya thito a moonot ko mga Salaf na so mga Ashairah.
الله اعلم بالصواب