Aya den a ibetad tano sii na so katharo o mga paga-adatan iran a mga Ulama iran a Salafi. Misobra peman oba iran sangkaa so mga mas mga a Ulama iran.
1. Phitaro i Shaykh Albani (Mala a Ulama o mga Salafi):
مثل النووي وابن حجر العسقلاني وأمثالهم من الظلم أن يقال عنهم إنهم من أهل البدع أنا أعرف أنهما من الأشاعرة لكنهما ما قصدوا مخالفة الكتاب والسنَّة
Maana: ” Lagid o Nawawi ago so Ibn Hajar Al-Asqalani ago so mga lagid iran. Ped ko kap-lalalim na oba tharowa a siran na ped ko mga Ahlul Bida’. Katawan aken a siran a dowa ka tao na mga Ashairah ogaid na da iran thibaba-a so kasopaka ko Qur’an ago Sunnah”.
Reference: شريط رقم 666 من هو الكافر ومن هو المبتدع
INENGKA:
Si Shaykh Albani ago so mga ped iyan i thito a somosopak ko Qur’an ago Sunnah. So Imam Nawawi ago Ibn Hajar na kilala a mga Aimmah o Ahlus Sunnah wal Jama’ah sa Donya.
2 . Phitaro i Shaykh Muhammad Haadi Al-Madkhali (Mala a Ulama o mga Salafi):
كذاب الذي يقول لك النووي سلفي و الله كذاب حتى يموت كائنا من كان. اشعري جلد…
Maana: Tanto a bokhag saden sa tharo reka a “So Nawawi na Salafi”. Phesapa ako ko Allah ka miyabokhabokhag sekaniyan taman sa matay sekaniyan, Bapiya pen antaonon sekaniyan. So (Nawawi) na Solid a Ash’ari.
Reference: شرح نظم لامية المنسوخ
و الله اعلم بالصواب