So mga Ashairah na siran so Majority a mga Muslim a Ahlus Sunnah wal Jama’ah sa donya. So majority ko moonot ko pat a Madhab o Ahlus Sunnah maana Hanafi, Maliki, Shafi’i ago so sabaad ko mga kiyabantogan ko mga Hanabilah na mga Ashairah odi na maka-aayun ko Manhaj go Aqeedah o Ashairah.
Phitaro o kasasarigan a Muhaddith ago Islamic Historian, Al-Imam Al-Hafiz Ibn Asaakir Ash-Shafii (Miyawafat ko 571 AH):
هل من الفقهاء الحنفية والمالكية والشافعية إلا موافق للأشعري ومنتسب إليه وراض بحميد سعيه في دين الله
“Ba aden a khatoon a Fuqaha a Hanafiyyah, Malikiyyah ago Shafiiyyah inonta sa maka-aayun ko Al-Ash’ari ago mitotompok rekaniyan ago masosoat ko kiyabantogan a okit iyan ko agama o Allah. “
So mga Muhaddithoon a lalayon phekabatiya ago phekaneg so mga ngaran iran lagid o Imam Al-Bayhaqi (rahimahullah) a kirek ko Sunan Al-Bayhaqi, So Shaykhul Islam Imaam Nawawi (rahimahullah) a kirek ko Riyaadhus Saaliheen ago Minhaj, So tanto den a kiyabantogan a Ameerul Mu’mineen fil Hadith Shaykhul Islam Al-Hafiz Ibn Hajar Al-Asqalani (rahimahullah) kirek ko Bulughul Maraam ago Fat-hul Baari, So Imam Ibn Hibban (rahimahullah) a kirek ko kiyabantogan a kitab o Ahlus Sunnah a Saheeh Ibn Hibban, So Imaam Hakim An-Naysaburi (rahimahullah) a kirek ko kiyabantogan a kitab o Ahlus Sunnah a Mustadrak Al-Hakim ago so Imam Mullah Ali Al Qaari (rahimahullah) a pangongosay sa Hadith ko Mishkaat na langon maiisaisa ko manhaj o Ashairah.
So mga kadadayuan a mga Ulama lagid o Imam Ghazali (rahimahullah) a aya inigraron o Imam Dhahabi (rahimahullah) na Hujjatul Islam (Proof of Islam), So da a khilagidon a Sayfus Sunnah (Pedang o Sunnah) Abu Bakr Al-Baqillani (rahimahullah), So kiyagraran sa Imamul Haramayn (Imam sa Makkah ago Madinah) Al-Juwayni (rahimahullah), So Shaykhul Islaam Ibn Hajar Al-Haytami (rahimahullah), So Imam Khateeb Shirbeeni (rahimahullah), Imam Shamsuddin Ar-Ramli (rahimahullah), Imaam Suyuti (rahimahullah) ago so kadadayuan a Shaykhul Islaam Zakariyyah Al-Ansaari (rahimahullah) ago so miyaka-dakedakel pen a Fuqaha na langon Ashairah.
Phitaro o Shaykhul Islam, Al-Imam al-Iz bin abdis Salam Ash-Shafii (577 AH- 660 AH):
أن عقيدة الأشعري أجمع عليها الشافعية والمالكية والحنفية وفضلاء الحنابلة
“So Aqeedah o Ash’ari na miyaopakat san so mga Shafi’iyyah, Malikiyyah, Hanafiyyah ago so mga kiyabantogan ko mga Hanabilah”
Miya-aloy pen o Imaam Az-Zabeedi As-Shafi’i (rahimahullah) a miyaka-ayunon sangkanan a katharo iyan so Shaykhul Maalikiyyah ko masa niyan a so Abu ‘Amr (rahimahullah), so Ibnul Haajib (rahimahullah) ago so Shaykhul Hanafiyyah a so Jamaluddin Al-Haseeriy (rahimahullah) . Kiya-ayunan pen anan o Mujtahid a so Imaam At-Taqi As-Subki (rahimahullah) sa lagid o kiyapanthola ron o wata iyan a so Shaykhul Islam Imaam At-Taaj As-Subki (rahimahullah).
TATARIMA-AN O MGA ALA A ULAMA O MGA SALAFI A AYA MAJORITY KO MGA UMMAT O NABI (SALLALLAHO ALAYHI WA SALLAM) NA MGA ASHAIRAH.
Phitaro i Shaykh Abdullah Al-Ghunaymaan (Salafi):
قد انتسب الى االشعري أكثر العالم االسالمي اليوم من اتباع المذاهب اْلربعة
“Mitotompok ko Al-Ash’ari so pinaka-madakel a muslim ko Islamic World a ped ko mga moonot sa pat a madhab.”
Phitaro i Shaykh Safar Hawali (Salafi)
وليكن معلوما ان هذا الرد الموعود ليس مقصودا به الصابوني وال غيره من االشخاص فالمسألة أكبر من ذلك وأخطر. انها مسألة مذهب بدعي له وجوده الواقعي الضخم في الفكر االسالمي حيث تمتلئ به الكثير من كتب التفسير وشروح الحديث وكتب اللغة والبالغة واالصول فضال عن كتب العقائد والفكر كما ان له جامعاته الكبرى ومعاهده المنتشرة في أكثر بالد االسالم من الفلبين الى السنغال
“Kailangan a katokawan a gyai a sembag na kenaba aya antap sii na si As Saboni ago salakaw rekaniyan a mga tao. So bitiyara sii na mas mala ago mas delekado. Gyai na bitiyara ko Madhab a Bid’ah (paka-antapan iyanon na so thito a Ahlus Sunnah a Ashairah) a aden a thito a mala a kapakamomoayan iyan sii ko Islamic Ideology taman sa miyapeno iyan so madakel a mga kitab sa Tafsir, mga Osayan ko Hadith, Mga kitab sa Lughah ago Balaaghah ago Usol salakaw pen ko kitab sa Aqeedah ago Ideology. Lagidiyan na so kapakamomoayan o mga ala iran a Universities ago mga mipaparak a Ma’had (Madrasah) ko mas madakel a inged o mga Muslim phoon sa Philippines taman sa Senegal (maana entiro a inged a sa donya)“
Phitaro i Shaykh Khalid Al-Ghaamidi (Salafi):
انتشار هذا المذهب حتى عم أكثر بالد المسلمين حتى لا يكاد ترى حنفيا الا ما ترديا ولا شافعيا ومالكيا الا اشعريا وأصبح مذهب اهلالسنة والسلف مقصورا عند كثير من هؤلاء في الحنابلة و بل يرمى المذهب الحق بالتجسيم والحوشية لغرابته وقلة اتباعه
“So kiyalangkap angkanan a Madhab (o Ashairah) na taman sa miyarangkom iyan so mas madakel a inged o mga Muslim taman sa taman sa da a khailay ka a Hanafi inonta sa Maturidi (ped bo o mga Ashairah) , Shafii ago Maliki inonta sa Ash’ari. Mimbaloy so Madhab o Ahlus Sunnah (paka-antapan iyan na Salafi) a limitado ko madakel sangkoto a mga Hanabilah (Sabap sa aden mambo a mga Hanbali a Ashairah i manhaj sa lagid a kiyatharowa ron i Shaykh Al-Ghunayman). Aya benar na so Madhab o Haqq (paka-antapan iyan na minibago a Grupo a Salafi imanto a masa) na bithowan sa mujassim ago hashwiyyah sabap ko gharaabah niyan ago so kaito a moonoton.“
Imanto na kiyatokawan a so Majority ko mga Aimmah o Muslimeen na mga Ashairah, Alhamdulillah.