PINAKA-MALA A KABOKHAGAN KATHARO PHEKANEG KA KO ULAMA A SALAFI SA PILIPINAS LAGID ATA AGO SI ABU HANEEN KO MGA SEMINAR AGO SYMPOSIUM IRAN :
“So Abul Hasan Al-Ash’ari (rahimahullah) na somiyoled ko Salafiyyah.”
Daden a sakatao ko mga olowan a Salafi lagid i Ibn Taymiyyah ago Ibno Qayyim Al-Jawziyyah i mitharo san sabap sa piyakalowilowis anan a katharo a marayag a kabokhagan. Aya phitaro i Ibn Taymiyyah na matag miyag-intisab so Imam Abul Hasan Al-Ash’ari (rahimahullah) ko Imam Ahmad bin Hanbal (rahimahullah) ogaid na aya benar na aya Aqeedah niyan na piyakasaog a Jahmiyyah ago Ahlus Sunnah. Ago phitaro iyan pen sii kon ko Masail sa Qadar ago Iman na Jahmiyyah so Imam Abul Hasan Al-Ash’ari (rahimahullah).
So Jahmiyyah na kiyaopakatan a dadag a grupo na katan si Ibn Taymiyyah phitaro iyan a Jahmiyyah so Imam Abul Hasan Al-Ash’ari (rahimahullah) ko Aqeedah niyan sa Qadar ago Iman na sii peman ko Sifaat o Allah na saog kon a Jahmiyyah ago Ahlus Sunnah. Gyanan den so di tharoon o mga Salafi imanto ko mga Ashairah. Aden bes a Salafi a Jahmiyyah?
Piyakamemesa ka so mas miyangaoona a lalangagen o mga Salafi gowani na di iran di sinta so Imam Abul Hasan Al-Ash’ari (rahimahullah) sa mga mimbar mismo. Na sii sa Pilipinas na mimbaloy a Salafi so Imam Abul Hasan Al-Ash’ari (rahimahullah). Inipost pen gowani o isa a Ustadh a Salafi so di iran di kasinta rekaniyan.
Katii so mga thanodan:
1. Ba aden a Salafiyyah ko masa o Imam Abul Hasan Al-Ash’ari (rahimahullah)?
2. Ilayangka den so mga Kitab a Taarikh (Islamic History) lagid o Taarikhul Islam ago Siyar A’lam Nubala o Imam Dhahabi (rahimahullah) ago so mga ped iyan na daden a mabatiya a ka oba aden a grupo a Salafiyyah ko masa o Imam Abul Hasan Al-Ash’ari (rahimahullah).
3. So Imam Abul Hasan Al-Ash’ari (rahimahullah) na masosopak iyan so Aqeedah o mga Salafi mipantag ko Masail sa Jismiyyah, Kasb, Kalam, Iraadah, Asmaullah, Hikmah wat Ta’lil, As-Sifaatul Muta’alliqah bil Mashee’ah, As-Sifaatul Fi’liyyah Al-Muta’addiyah ago so maana o Istiwa ka aya lumalangkap a Aqeedah o Imam Abul Hasan Al-Ash’ari (rahimahullah) na so Istiwa na “Fi’lun Muta’addiyah a inikidi iyan ko Arsh na bithowan iyan sa Istiwa” a di katawan antonaonon oto a fi’l ogaid na kenaba Fi’lun Dhaatiyyah. Aya kepit o Salafi na so Istiwa na Fi’lun Dhaatiyyah a sopak ko Aqeedah o Imam Abul Hasan Al-Ash’ari (rahimahullah) taman ko Al-Ibaanah.
Phitaro i Ibn Taymiyyah (mipantag ko Imam Ash’ari ago so kitab iyan a Maqaalatul Islamiyyeen):
وأقرب الأقوال إليه قول ابن كلاب، فأما ابن كلاب فقوله مشوب بقول الجهمية، وهو مركب من قول أهل السنة وقول الجهمية، وكذلك مذهب الأشعري في الصفات، وأما في القدر و الإيمان فقوله قول جهم
Maana: Aya pinakamarani ko mga kepit sii rekaniyan (a Imam Abul Hasan Al-Ash’ari) na so kepit o Ibn Kullab. So peman so Ibn Kullab na kasasaogan so kepit iyan sa kepit o Jahmiyyah, piyaka-saog a kepit o Ahlus Sunnah ago kepit a Jahmiyyah. Lagidiyanon so kepit o Abul Hasan Al-Ash’ari ko Sifaat. Sii peman ko (masail sa) Qadar ago Iman na aya kepit iyan (Abul Hasan Al-Ash’ari) na kepit o Jahm (Jahmiyyah).
Sources:
مجموع الفتاوى لابن تيمية 16/308
ومنهاج السنة 8/9
THANODAN:
Piyakatanatana o Pinaka-olowan o mga Salafi a si Ibn Taymiyyah a aya kepit o Imam Abul Hasan Al-Ash’ari (rahimahullah) ko Sifat na lagid o kepit i Ibn Kullab a maka-sasaog kon a kepit a Ahlus Sunnah ago Jahmiyyah. Ago mas piyakatanatana i Ibn Taymiyyah a aya kepit o Imam Abul Hasan Al-Ash’ari (rahimahullah) ko Iman ago Qadar na kepit a Jahmiyyah. Sii anan ko kiyaopakatan a mori a kitab o Imam Abul Hasan Al-Ash’ari (rahimahullah) a Maqaalatul Islamiyyeen.
MOSAWER AMI SANGKANAN A MGA TAO NA PAMATIYAYA IRAN SO MGA KITAB I IBN TAYMIYYAH PARA MEDYO KAOMANAN SO ILMO IRAN NA DI RAN KHI-ANGKOB SO MGA AIMMAH LAGID O IMAM ABUL HASAN AL-ASH’ARI (RAHIMAHULLAH) AGO SO IMAM IBN KULLAB (RAHIMAHULLAH).
Taman ko Imam Ibn Kullab (rahimahullah) na miyathay den a ini-angkob o mga Salafi lagid i Shaykh Nasrodin ka di anan khada ko mga lectures iyan igira a pheka-aloy so Imam Ibn Kullab. Phitaro iran a so Ibn Kullab ago so Kullabiyyah na pito pito kon a inipikisifat iran ko Allah na piyana’wil iran kon so salakaw ron a mga Sifat. Aya dalil iran na so inaloy o Imam Ibn Katheer a thotol a da a sanad iyan ago di katawan antaonon anda miyakapoon a thotol.
MIYAKALALA ANAN A KABOKHAGAN SABAP SO MGA KULLABIYYAH NA AHLUT TAFWEEDH SA LAGID O KIYATHAROWA RON O IMAM IBN HAJAR Al-ASQALANI AGO SI IBN TAYMIYYAH AGO MISMO SO IMAM ABUL HASAN AL-ASH’ARI (RAHIMAHULLAH) I MIYALOY KO MAQAALATUL ISLAMIYYEEN A DI ANAN BENAR. PISAKSIAN PEN ANAN I IBN TAYMIYYAH KO MADAKEL A DARPA KO KITAB IYAN A KENABA PHETA’WIL SO MGA KULLABIYYAH AGO KENABA BENAR OBA PITOPITO A INIPIKISIFAT IRAN KO ALLAH.
4. Taman imanto na mystery kailan miyathaong gyai a grupo a Salafiyyah. Ka si Muhammad bin Abdil Wahhab na da niyan pen bethowi so grupo niyan sa Salafiyyah. Aya pen a lumalangkap a ibebetho kiran na “Wahhabiyyah” ago tiyarima pen anan o miyaona a Grand Mufti sa Saudi a si Ibn Baz.
Phitaro i Shaykh Ibn Baz:
الوهابية هم أتباع الشيخ الإمام محمد بن عبدالوهاب
Maana:“So mga Wahhabiyyah na siran so mga followers o Shaykh Imam Muhammad bin Abdil Wahhab…”
Source: https://files.zadapps.info/…/nour…/nour_461/46106.mp3
Pamatiyaya a iran so Kitab i Ibn Taymiyyah ka para makarayag kiran a di benar gyanan a iphetempo iran ko Imam Abul Hasan Al-Ash’ari (rahimahullah) ago so Imam Ibn Kullab (rahimahullah). Batiya-a iran pen so kitab a Maqaalatul Islamiyyeen o Imam Abul Hasan Al-Ash’ari (rahimahullah) para makarayag kiran so maana o mga katharo iyan sa Al-Ibanah a Mujmal ago para kagenekan iran mangkob so mga Kullabiyyah sa di iran di tharoon a mga patata’wil kon ago pitopito kon a Sifat a inipikisifat iran ko Allah. Pamariksa siran da-an ko thito a miyanggolaola na go siran bo pamangbaal sa mga Grand Symposium na mga tothol iran ko Ashairah a di benar ago kenaba Muhaqqaq. Batiya a niyo pasi gyanan a dowa a kitab: Maqalatul Islamiyyeen ago so Kitab i Ibn Taymiyyah na go siran bo sembag.
THANODAN:
So Imam Abul Hasan Al-Ash’ari (rahimahullah) na da a sangkaanon a Imam o Ahlus Sunnah wal Jama’ah ago masosopak o Salafi so mga Aqeedah niyan sa Asma ago Sifaat. Aya dadag na so phamakadadag rekaniyan.
الله اعلم بالصواب